BrotherSharpFanClub.com
犀利哥討論區 為弱勢發聲 重溫香港電台中文歌曲龍虎榜 政治 素食
瘋之蜜語: 重播風雲一百年-張立基-夢幻夜消沉

重播風雲一百年

唔聲唔聲, 亞視久不久都有驚喜給觀眾, 當然經我把口當然不是讚啦!  首先要提的是亞視買了套《風雲大事一百年:珍珠港事變》紀錄片, 本來探秘式節目, 讓大家了解日本仔當年點招惹美國佬加入第二次世界大戰,  最後仲搞到自己本土吃兩個原子彈的歷史事實, 深入海底尋找二次大戰小型潛艇殘骸滿足觀眾獵奇心態完全無問題, 但是呢, 亞視不知是否沒有廣告的關係, 買回來的節目都物盡其用, 重播又重播(葉家寶話重溫喎!), 我就無睇節目表, 不清楚佢地總共會讓觀眾「重溫」多少次, 只知昨晚星期六播完, 今日星期日又播, 本港台播完, 轉台看亞洲台看看又再重播!  好了, 一小時後再轉去國際台, 發現又係重覆同一個節目, 只係變左英語版, 亞視將「一雞幾味」絕技發揮得淋漓盡致,  配服!  好心廣告商多些贊助亞視播多些不同節目啦, 否則香港小市民在沒有選擇之下, 一係看無線, 一係熄電視!

夢幻立基夜消沉

另外由於最近的負面報導, 對收看無線《歡樂滿東華》節目興趣大減, 所以晚上寧願扭去睇歲月流聲台《張立基-夢幻夜消沉》特輯。不講不知原來巳經是24年前的節目, 當年還是小朋友的我, 今天看回當年的張立基,  發覺他的確幾有魅力, 唱歌跳舞同樣精, 一點都不會被郭富城李克勤 黎明劉德華比下去, 但為何成就遠遠不及以上人士呢? 看完這特輯即刻明白! 又係亞視累街坊囉! 特輯以故事型式( 詳細自己睇)配合張立基當年推出的靚歌, 無問題呀。最慘係故事描述張立基一腳踏幾船, 鍚完呢個, 又同果個親熱, 成個大情聖咁, 節目中他又不時點起香煙, 要知道當年亞視都有三成觀眾, 吞雲吐霧和花心在廿年前都係不受女觀眾歡迎行為, 難怪張立基一眾女fans後來咁多轉投張智霖張學友懷抱啦! 我提議生應該入稟向亞視索償, 告亞視損害形象多年囉! 最近在黎瑞恩演唱會又看到張立基演出, 雖然舞藝和唱功還能保持, 但都不禁輕嘆一句歲月摧人, 當年的風采巳經一去不返了! 人生有幾多個十年? 希望張立基不要等到骨頭都硬哂才能再開群星老餅懷舊演唱會啦!

張立基-妳好嗎?@夢幻夜消沉1989

大家如果想討論電視節目, 或想我跟進的話, 可以去以下地方:

電視節目推介2013+ 港澳台灣節目表

風之蜜語

 

Leave a Reply

You must be logged in to post a comment.