BrotherSharpFanClub.com
犀利哥討論區 為弱勢發聲 重溫香港電台中文歌曲龍虎榜 政治 素食
瘋之蜜語:黃小琥-李莉莉-葉子楣@1989亞洲太平洋歌唱比賽(亞太區)

 李莉莉2@歲月留聲-亞視盛事系列 1989亞洲太平洋歌唱比賽(亞太區) (粵)watermark
Lily姐都可以代表澳門參賽, 當年澳門市場都應該好易打得入

瘋之蜜語

雖然香港人抱怨亞視節目每況愈下, 甚至說她巳經水浸眼眉, 2015等收檔云云, 但始終爛船三根釘, 佢都有過有力和無線競爭的時代, 所以亞視最近出招大打懷舊牌, 務求力挽一班老觀眾, 好似每逢星期六晚播出的『亞視盛事系列』咁, 之前重溫的『亞洲小姐』、亞太小姐』、『亞視煙火照萬家』等節目中都出現過不少有號召力的如鄧麗君張國榮徐小鳳薫妮張立基甄楚倩田蕊妮盧海鵬等等現在巳經上天或上岸明星, 令人以為睇緊無線 。好似前日播出的『亞洲太平洋歌唱比賽(亞太區)』咁, 唔睇唔知寶, 睇落愈覺唔對路,  一家人睇到嘩嘩聲! 先有呀伯殺手李莉莉神奇地可以做澳門代表參賽, 聽過她的名曲「我要你每夜陪住我」的70/80後相信都領教過她的唱功, 水準有幾高都心知肚明! 最攞膽的是她唱到近尾時突然成個人跌低昏到, 情景仲震撼過市民獲悉王維基不獲發牌一刻。咁都仲未夠喎, 亞視再來一招波霸唱情歌, 露住北半球的性感女神葉子楣一路模仿S型歌后鄺美雲唱出堆積情感, 一路罷動細腰, 大佬呀, 睇得呢個台的亞視觀眾不少都年過60, 亞視唔打格仔都在深夜先好播啦! 相信紅十字會很快又宣布唔夠血, 呼籲大家去捐了! 依家每逢星期六晚開著電視都戰戰兢兢, 不知亞視給我們的是驚還是喜囉!

如果你未夠70歲, 無高血壓同心臟病而又想看看當日的演出片段, 不妨去以下網址啦:

http://brothersharpfanclub.com/discuz/thread-5493-1-1.html

葉子媚-歲月留聲-亞視盛事系列1989亞洲太平洋歌唱比賽(亞太區) watermark

遠看葉子楣巳經把持不住, 近看d呀伯仲有命?!

黃小琥2-歲月留聲-亞視盛事系列1989亞洲太平洋歌唱比賽(亞太區) (粵)watermark

最喜都是發現黃小琥老師參賽片段囉!

楊晉源

Leave a Reply

You must be logged in to post a comment.